Viðbjóður og allt annað....

Hvað er í gangi með fólk. Þetta er nú  bara ekkert nema viðbjóður sem á að taka töluvert harðar á en þetta. Þó svo ég eigi ekki börn ennþá þá er ég feginn því að hafa ekki átt barn/börn í breiðholtsskóla sem hefðu þurft að verða vitni að svona ógeði.

En í allt aðra sálma: 34, 55, 99, 666

 (nei þessi er nú gamall)

 

Nú er komið að því að sýningar fara að hefjast á Oliver!. General prufan er í kvöld og svo frumsýning á morgun. Fólk farið að panta miða alveg á fullu og ekki laust við það að stress sé farið að myndast í kroppnum á manni þar sem maður þarf víst að þenja mín ótrúlega flottu raddbönd fyrir framan fullann sal af fólki í fyrsta skipti edrú.

 En best að fara að koma sér upp á hótel í smá æfingu og stuð fyrir general...

 

Later.... 

Fangelsi fyrir að fróa sér fyrir framan börn

Dýrara kaffi???

Hell nei... ef kaffi verður dýrara en það er nú í dag, þá fer maður að fara á hausinn. Maður fer á kaffihús og fær sér tvo tvöfaldann expresso og sér svo, svo mikið eftir því að hafa gert veskinu sínu þetta þar sem maður borgði hátt í 800 krónur fyrir þessa fjóra sopa sem maður fékk sér. En þetta er nú kannski ekki alveg viðmiðunar hæft þar sem expresso er ekki stór bolli, en til að gera þetta viðmiðunarhæfara þá kostar venjulegur kaffibolli 300 kall á flestum kaffihúsum (ef ég man rétt). Ef það á eftir að hækka þá hugsa ég að fólk eigi eftir að minnka ferðir sínar á kaffihús ....

 En þetta er nú bara bull í mér.....

 

 Later....

Verður kaffisopinn dýrari?

Ofurhetja ???

Það er spurning hvort maður sé orðin löggilt ofurhetja núna.
Málið er það að ég er að taka þátt í uppsetningu leikfélagsins á söngleiknum Oliver! eftir Lionel Bart og leik þar: strák á fátækraheimili, útfararstjóra, götusala og löggu. Ofurhetjan sem væri ekki leiðinlegt að lesa teiknimyndabækur um væri útfararstjóri á daginn og lögga á kvöldin, þetta er gott kombó sem engum myndi leiðast. Meira að segja væri hægt að gera mynd um þetta með Robert DeNiro í aðalhlutverki. 

En þetta er alltaf jafn hrikalega gaman, þ.e. að taka þátt í leikfélaginu, ég hef gert það 3 áður í misstórum hlutverkum, þetta verður nú samt að segjast vera það stærsta þar sem ég þarf að syngja og allann pakkann.

 En út í allt aðra sálma, nr. 235, 53, 844, 448.

 Sá þetta á netinu, gamalt en samt sem áður snilld og maður spyr sig bara, afhverju er þetta ekki svona? Tjekkið á þessu.

 

Endilega látið svo sjá ykkur á sýningu. Frumsýning 2. Nóvember.... 

Vinna svo....

Nú er komið að undanúrslitum powerade - bikarsins í körfubolta og fara leikirnir fram í kvöld í laugardalshöllinni. Fyrri leikurinn byrjar klukkan 6 og mætast þar Skallagrímur og KR, seinni leikurinn hefst klukkan 21 og mætast þar Snæfell og Njarðvík. 

Auðvitað væri best að geta skellt sér í bæinn á leikinn en þar sem bakið á mér drapst í vinnunni í fyrradag þá hef ég ekkert með það að gera, í staðinn ætla ég bara að skella mér á leikinn á laugardaginn þegar snæfell mætir einhverjum, þ.e. ef þeir vinna leikinn í kvöld.

 Óskum þeim bara góðs gengis í kvöld og .... 

"Tough shit!"

Kaldur, blautur, þreyttur... "Tough shit!"

Jújú sumarið er greinilega búið, rigningin komin.

Nú er að skella í afmælið mitt og í tilefni þess ætla ég að skella mér á tónleika í laugardalshöllinni á laugardaginn næsta, Chris Cornell ætlar að þenja raddböndin fyrir landann. Ég er farinn að hlakka svolítið til þar sem hann er einn af mínum uppáhalds núna þessa stundina.

Róleg helgi sem var að líða skrapp á ágætis ball á laugardeginum hérna á fimm fiskum þar sem Stuðbandið lék fyrir dansi. 

Nú úr því að rigningin er að gera mann vitlausann þá reynist manni alltaf erfiðaðra og erfiðara fyrir mann að fara út og taka myndir þannig að ég held að ég þurfi bara að fara að leika mér mér með vélin hérna inni. Læt ykkur vita þegar maður skellir einhverju inn á flickr síðuna mína.

 

Later... 

Jón Gnarr sagði "Það er þarft og kúl að gefa fóstbræður út á DVD"

 Loksins segi ég nú bara. Loksins sjá þeir að sér.

Mér til mikillar ánægju þegar ég leit á forsíðu Blaðsins í dag sá ég frétt sem ég hef beðið eftir í allavega 5 ár, Fyrirsögnin var "Fóstbræður á DVD", ég reif næstum því blaðið við það eitt að finna fréttina og las hana tvisvar þar sem ég var ekki alveg að trúa því sem ég var að lesa og eins og Jón Gnarr sagði "það er þarft og kúl að gefa út fóstbræður á DVD".

Mig langar að þakka þeim kærlega til hamingju sem standa að þessari útgáfu,  því þetta er eitthvað sem margir íslendingar hafa beðið eftir. 

Bjór og léttvín í verslanir...

Hvað er þetta annað en fáránlegt, afhverju í ósköpunum ættu áfengis búðir ekki mega hafa kæla hjá sér, mér finnst ekkert eins gott og þegar maður hoppar í ríkið (þar sem kælir er) og kippt með mér 1 - 2 köldum kippum af bjór og þegar heitt er úti að ná sér í 1 - 2 bjóra svona til að sötra í sólinni. 

Svona umræður gera mig alltaf svolítið pirraðan þ.e. þessar áfengis hömlur sem eru hérna á íslandi sem og umræður um það hvort samkynhneigðir ættu að fá að gifta sig eða ekki.

Auðvitað eiga þeir að fá að ganga í hjónaband eins og aðrir, ég get ekki séð að hommar og lesbíur séu eitthvað verra fólk fyrir að vera samkynhneigð. Afhverju finnst svona stórum hluta þessarar litlu þjóðar hommar og lesbíur ekki eiga það skilið að gifta sig? 

En aftur að áfengismálum, nú undanfarin ár hefur ákveðinn maður sem ég get ekki munað nafnið á núna í augnablikinu verið að berjast fyrir því að leyfa sölu á bjór og léttvíni í verslunum og svo loksins þegar hann er kominn í það sæti sem hann situr í núna á alþingi (hvort það var ráðherrastóll eða eitthvað annað) þá heldur hann kjafti og minnist ekki á þetta. 

 

Pirringstuð  í veikindum sem hafa gert mig mjög svo þreyttann og pirraðann síðustu daga.

 

Later.... 

Vilja sjá bréf borgarstjóra um bjórkæli

Yfirheyrður fyrir að vera stunginn af randaflugu.

Já þessir dönsku tókust nú bara virkilega vel, allavega hef ég ekkert út á þá að setja.

Veðrið var eins gott og hægt var að vona, þægilegur fjöldi í bænum, rétt um 7000 manns heyrði ég, nóg um að ske fyrir alla og allir ánægðir.

Föstudagurinn var svolítið súrrealískur hjá mér, ég kom mjúkur heim úr vinnunni og skellti mér í sturtu. Fór svo að grilla með Hauk og Fríðu, eftir það ákváðum við að halda áfram að detta í það og það var ekki langt frá því að ég hafi verið fulli kallinn þetta kvöldið. Því það síðasta sem ég man skýrt á föstudeginum er það að það kom fullt af fólki í singstar og svo fóru allir út.

Laugardagurinn var öllu skárri, vaknaði ótrúlega hress klukkan hálf 12, ekki með hausverk, ekki með þynnku og hefði ekki getað vaknað í betra skapi. Svo skruppum við út uppúr hálf 1 og tókum rölt á það, veðrið var snilld eins og daginn áður.  Hittum fólk og ákváðum svo að fara í bakaríið og éta, hittum þar Einar sem dró mig með sér í að hoppa í sjóinn seinna um daginn, ég lét til fallast og ákvað að finna fleira fólk til ða koma líka, hitti hauk og fríðu og þau komu líka ásamt vinum þeirra. Á leiðinni upp í skipavík þar sem við ákváðum að hoppa gerðist án efa eitt það fyndnasta sem skeði þennan dag. Þannig var það að það flaug randafluga upp í buxurnar hjá Einari og stakk hann í hnéið á nákvæmlega sama tíma og löggan keyrði framhjá, þannig að þegar hún keyrir framhjá byrjar hann að lemja hnéið á sér og hrista löppina. Það var nóg fyrir lögguna sem kom og tók hann upp í bíl í yfirheyrslu og setti hann í kjölfarið af því á eftirtektarlista fyrir kvöldið útaf því hann lenti í slagsmálum 2001.
Það var kalt að fara í sjóinn en hressandi, því þessi litli hausverkur sem var búinn að vera að þróast í mér hvarf um leið og ég skall í sjóinn.
Eftir það fórum við heim að grilla svo var farið á algjört snilldar bryggjuball horft á fáránlega góða flugeldasýningu og svo var bara sest í brekkuna bakvið bankann og hlustað á ballið þar.

Hrikalega gaman á dönskum dögum.

 

 Later....

Upphitun fyrir Danska Daga...

Já nú er fimmtudagurinn fyrir Danska að líða sitt skeið, margir hólmarar eins og ég sjálfur stundum tökum hátíðina með trompi og höfum þetta frá fimmtudegi til þunnur-dags. og fáum okkur bjór 3 daga í staðin fyrir 2.

 Heyrst hefur að einhverjir dugnaðar menn og konur ætli að skella í sig nokkrum í kvöld til þess að hita sig aðeins upp fyrir komandi átök.

 Tjaldstæðið að fyllast þó nóg sé af plássi fyrir fólk sem kemur á morgun. Alltaf nóg pláss í hólminum.

 Það er fullt í gangi um helgina fyrir alla aldurshópa, annað en í fyrra.

 

 Later....

Hrákur í augu... Ekkert nema ROKK!!!

Já ég ákvað að prófa þetta hérna hjá mogganum, líst bara drullu vel á þetta hjá þeim enn sem komið er.

Ég var að koma af tónleikum áðan í Grundarfirði með hljómsveitunum Endless Dark og Jamie's Star og voru þetta virkilega þéttir og góðir rokk tónleikar með öllu tilheyrandi, hrákum í augu, ruglingur á lögum og allskonar skemmtilegar uppákomur.

Ég hugsa að ég hafi þetta nú ekkert lengra í kvöld en maður verður kannski duglegur og skellir inn pistli á morgun og svo reynir maður að vera með smá samantekt um helgina frá Dönsku dögunum sem eru að skella á hérna í hólminum.

 

Later....